Jumat, 25 Desember 2009

Tsunami: Lima Tahun Sudah Terlewati


Hari itu minggu, 26 Desember 2004. Gelombang itu memecah keheningan, dahsyat, tanpa bekas

Mesjid yang masih berdiri tegak. Sumber foto Google

Atjeh Pusaka - Hari itu 26 Desember, tanggal yang amat sangat terlampau bersejarah bagi bangsa ini, bukan tanggal proklamasi negara ini, bukan juga hari pelantikan presiden, para menteri apalagi anggota dewan yang terhormat, bukan juga hari wafatnya para pahlawan atau srikandi pemberani yang membela bangsa ini, tapi hari itu adalah hari dimana dunia tercengang melihat bencana yang maha dahsyat yang pernah terjadi di planet ini.

Semua terheran-heran, membisu, dan hanya bisa berkata, kekuatan apa yang mampu menghadirkan bencana sebegitu hebatnya?

Tsunami 26 Desember 2004, tepat 5 tahun silam adalah bencana yang memakan begitu banyak korban. Bayangkan, gempa yang berkekuatan 9, 3 SR ini tidak hanya meluluhlantakkan Aceh dan Nias saja, tapi juga melanda negara-negara lain seperti Bangladesh, India, Malaysia, Maldives, Myanmar, Singapura, Srilanka dan Thailand.
Memakan begitu banyak korban, menurut U.S. Geological Survey korban tewas mencapai 283.100, 14.000 orang hilang dan 1,126,900 kehilangan tempat tinggal. Menurut PBB, korban 229.826 orang hilang dan 186.983 tewas.

Tsunami Samudra Hindia menjadi gempa dan Tsunami terburuk 10 tahun terakhir dan bencana ini adalah bencana kematian terbesar dalam sejarah peradaban manusia. Sungguh bencana yang di luar batas logika manusia.

Gempa yang berpusat kurang lebih 160 km sebelah barat Aceh sedalam 10 kilometer yang terjadi di pagi minggu yang hening ini tidak hanya memakan korban jiwa, tapi juga kehancuran, tidak hanya dari segi fisik, tapi juga dari segi psikologis, 50 % bangunan mengalami kehancuran, anak yang kehilangan orang tuanya, orang tua yang kehilangan anaknya, suami yang kehilangan istrinya begitu juga sebaliknya menimbulkan tekanan psikologis yang amat sangat kuat. Dunia seakan berakhir bagi mereka yang merasakan efek gempa dan tsunami. Sungguh Maha Besar Allah dengan segala nikmat-Nya.

Dunia seakan dibangunkan oleh gempa dan tsunami lima tahun silam tersebut, solidaritas dari berbagai penjuru dunia untuk merangkul Aceh dan Nias muncul dengan seketika. Dalam hitungan hari, begitu besar bantuan yang di dapat untuk segera membangun Aceh kembali.

Bantuan terus mengalir bagaikan mata air yang menjadi sumber kehidupan manusia. Tercatat begitu banyak negara di seluruh dunia yang turut aktif dalam penggalangan dana bahkan terjun langsung ke lapangan. Tidak hanya itu, perdamaian di Aceh pun terwujud pascatsunami, momentum yang telah ditunggu-tunggu sejak beberapa dekade silam.

Tidak ada lagi pertumpahan darah di Aceh, yang ada hanyalah senyuman perdamaian yang menghiasi bumi Iskandar Muda. Inilah potret hikmah dibalik bencana yang maha dahyat, tidak ada menyangka, pelan tapi pasti, Aceh mulai bangkit mengejar ketertinggalan.


Kini, lima tahun sudah peristiwa itu meninggalkan kita semua. Masih terlintas di pikiran kita bagaimana masyarakat dunia bahu membahu membantu Aceh untuk kembali berdiri tegak menyongsong hari esok yang lebih baik. Bangunan–bangunan kini berdiri megah seolah-olah tidak pernah ada tsunami 5 tahun silam meluluhlantakkan Nanggroe tercinta ini.

Denyut nadi perekonomian kembali normal. Masyarakat kembali melaksanakan aktivitasnya seperti biasa. Pemerintahan berjalan dengan baik. Perdamaian terus memayungi kehidupan masyarakatnya. Pelajar dan mahasiswa kembali bisa menikmati indahnya dunia pendidikan. Syariat islam menjadi motor pergerakan kehidupan masyarakat Aceh secara keseluruhan. Aceh kini jauh berbeda dari Aceh yang dulu dikenal.

Hari ini, kita melihat begitu banyak hikmah yang diberikan oleh Allah dibalik sebuah bencana. Mari kita jadikan momentum 5 tahun tsunami menjadikan kita manusia-manusia yang semakin menghargai kehidupan.
Waktu yang telah diberikan, nyawa yang masih terkandung badan, udara yang masih bisa kita hirup adalah nikmat yang begitu besar yang masih diberikan Allah SWT. Manfaatkanlah hidup ini untuk menyebarkan senyuman dan kepedulian antar sesama. Amiin. (Oleh Andri Mubarak)

* Kadiv Kersos SAMAN UI, Mahasiswa Teknik Industri 2009
sumber: http://aulia87.wordpress.com/about

Kamis, 24 Desember 2009

Kumpulan Syair bahsa Atjeh buah karya Ayahanda Ustadz Syamsuddin Ahmad (Syamsa)

Kumpulan Syair Atjeh buah karya Ustadz Syamsuddin Ahmad (Syamsa), nyang gohlom pereunah di publikasikan

Untuk teman Sejawat !

Di malam nan sunyi dan sepi ku mulai menukilkan
“ suntingan kata “ guna menjadi pedoman dan contoh tauladan untuk teman di masa depan. Juga menjadi apresiasi untukku di masa tua…

WAHAI MALAM NAN BISU
ENGKAULAH DJADI SAKSI
ENGKAU TURUT MERASA
KESEDIHAN DJIWA HAMBA
BUKTINYA SUNGGUH NYATA
KESUNYIAN DAN KESEPIAN TAK BERSUARA…

WAHAI TUHAN YANG MAHA KUASA
ENGKAULAH PUJAAN HAMBA
WALAU DIMANA HAMBA BERADA
ENGKAU TAK LUPUTMENDJAGA
HAMBA YANG….HINA….DINA….

Coretan Hati: Ustadz Syamsuddin Ahmad (Syamsa)


Do’a Restu
Buah karya : Ustadz Syamsuddin Ahmad (Syamsa)

Assalamualaikum rakan meutuah
Djino lon kisah saboh tjalitra
Puja ngon pujoe keu Tuhan Allah
Seulaweut lon arah akan Maulana

Teuma lon linteung djaroe dua blah
Ulon munajah bak tuhan Esa
Lon mohon taufiq deungon hidayah
Lon neuk sikuak saboh tjalitra

Eya Tuhan ku Rabbon Alamin
Bak droen ya rahim lon mohon pinta
Dari mula phon sampo an tamat
Beu ek seulamat dengan sentausa

Beu ek teu buka hate lon tuan
Neu buka djalan ladju beu lantja
Karangan di jak pena pih djitron
Bek meutheun meutheun halangan bek na

Amin ya Allah…Amin ya Rahman
Amin ya makmun…. Amin ya Salam
Utjapan achir do’a lon tuan
Mudah mudahan Amin…aminaa....

Di “Alue nireh”
Buah karya : Ustadz Syamsuddin Ahmad (Syamsa)

Di Alue Nireh pu phon karangan
Masa lon tuan djak mengembara
Masa di rantau dilee saboh djan
Dilon masa nyan guree sikula

Masa nyan dilee ulon meunumpang
Dirumah rakan nashrom husna
Tetap keuh dilon numpang disinan
Ureung rumohnyan budi seutia

Ulon geu tulong geubri makanan
Bila meudjan jan bak droe lon hana
Han ek lon balah guna ureungnyan
Tempat lon numpang keun geu peusiwa

Teungoh lon duek duek nibak simalam
Di ulon tuan ka rot ie mata
Ie mata ile djatoh deraian
Di ulon tuan hana lon sada

Pikiran katjau balau tambahan
Seubab lon tuan kureung beulandja
Puasa ka toi rab troeh Ramadhan
Dilon hai rakan gohlom lon gisa

Gohlom ulon wo keudeh u gampong
Untuk jak kunjong ayah ngon bunda
Lon nak eik moto beulandja lon tan
Deungon geuritan meudjan djan hana

Ongkoh moto pih get that dji peu ek
Sabab hai adek djidjak lam paya
Awai awai kon na tjit nyang rusak
Meutamah hai njak ka putoih rem nya

Lhokseumawe Langsa nyang ka hai adoe
Tjit si khan uroe moto djitaga
Tapi djino sayang hai adoe
Limong blah puasa goh troh djigisa

Dak na geuritan didjak meudjan djan
Tanging peunumpang meu lumba lumba
Meukarat-karat dalam geuritan
Ladom hai rakan meu tindju tampa

Nyang ladom geuduk di ateuh bubong
Teuma nyang ladom bak rantee teuma
Teuma nyang ladom duek ateuh tjaweuk
Ladom meu thik-thik bak binteh geuwa

Sebab lon pike meunan dum susah
Nyan djeut keuh bok bak tidjoh ie mata
Badan lon dlaif beurani lon tan
Lon ek geuritan payah leupah na

Seudang di dalam hate lon kuju
Pu lom hai teungku binteh lon neuk wa
Leubeih leubeih lom u ateuh bubong
Deubaran djantong sang beukah dada

Ulon teu sentak dari lamunan
Istighfar yoh nyan ladju lon batja
Astaghfirullah lon pudja Rabbon
Beu neupeu ampon lil wai daija

Malam nyan hai dek malam djum’at
Tuhan bri rahmat keu lon nyang hina
Oh lheuh lon batja Astaghfirullah
Hate nyang susah teutap ngon sigra

Ie mata ka tho, ,mata ka peungeuh
Pikiran nyang kroeh, ka warah teuma
Teuma oh lheueh nyan dilon lon beudoh
Lon djak ka the toh, polpen lon mita

Lon tjok ngon polpen deungon keureutah
Lon peuduk pantah di ateuh medja
Lam tjahja panjot angen peu klip-klip
Deungon long lip glip lon tuleih reka

Keu autografi haba lon tuleih
Tjomedi sedih, suka ngon duka
Mula di gampong masa lon sideh
An alue nireh sampo lon teuka
Joh lon sikula na tjit lon peugah
Masa asrama di kutaradja
Masa lon murid sampo jeut guree
Sampo hai teungku lon meungembara

Tjukop keuh oh noi hai dek meutuah
Lon tjatet bagah bek gadoh tanda
Riwayat Syamsa hudep hai dek tjut
Lon tjatat batjut bek tuwo teuma

Krueng tho
Buah karya : Ustadz Syamsuddin Ahmad (Syamsa)

Alhamdulillah Rabbi lon pudjo
Keu Allah sidroe nyang Maha Esa
Disamping bak nyan teuma lom dudo
Seulaweut meu wo akan Musthafa

Akan Muhammad nabi geutanjoi
Muhammad sidroe saidul anbija
Syafa’at neuh le ateuh alam nyo
Dipage dudo ummati  qila…

Meutjeuhu Krueng Tho masa na nilam
Meutjeuhu tjalang joh bhom mantoeng na
Kapai di singgah uro ngon malam
Masa nyan tjalang rame leupah na

Krueng tho ngon lhok kruet di Atjeh barat
Metjeuhu that that joh masa beulanda
Djalan djih peungeuh moto pih le that
Muatan sarat nilam ngon lada

Kupi ngon pineung sinan pih le that
Keunan meusaoat dum toke raya
Baik di timu atau di barat
Geu singgah siat djak kalon kuta

Keu gampong krueng tho lon rawi ligat
Di sinan teumpat lahe djih syamsa
Udara seujuk segar nyaman that
Meung tadjak siat dak djeut bek weih le

Buket mendjulang u lazuardi
Kajee meuriti timoh meu bandja
Kuneng ngon idjo on leupah tari
Meutamah lagi mirah ngon djingga

Padang meng hijau menarik hate
Peuremadani sang ulah rupa
Aneuk mit gampong keunan peuregi
Setiap hari djak menggembala

Suleing pih djimee seurunei bangsi
Keu lale hate aneuk gembala
Oh wate pijoh djiyup le bangsi
Lagu ngon nyanyi meu suka ria
Di lagu atjeh leubeih lom tari
Munyo ngon bangsi sang sang djibatja
Soi soi nyang deungo teuka beurahi
Kadang pih ile  tidjoh ie mata

Ureung teungoh djak meudjan roh teudong
Wate meu deungo lagu gembala
Syair ngon panton selang ber selang
Gurat sedihan para pendeunga

Laen nibaknyan sawah meubentang
Tanging peumatang sama berdjadja
Pade menguning watee musem blang
Tertarik pandang pelukis dumna

Ngon taloi neuring meurentang rentang
U dangau rangkang meu saho puntja
Ta tarek puntja ujong meuguntjang
Tulo tereubang bak pade huma

Oh kuneng pade tan weh lee di blang
Geu takot syang tulo djak seuba
Meuganto ganto ureung keumit blang
Ajah ngon abang adek ngoa tjut da

Diteungoh gampong ilei saboh krueng
Sinan keuh ureung manoi meu upa
Padjan nyang suka djak manoi u krueng
Han pajah ta tjrong hana pu tima

Ie djih jeureuneh ilei meugrum grum
Aneuk mit mandum manoi that suka
Oh dji katjhoek ie ka meugeulumbang
Manoi that seunang mudi ngon muda

Menjoe na rakan djak u Atjeh Barat
Neu singgah siat u gampong syamsa
Neu tanyoeng bak gob meungtan neu tupat
Saleh pat tempat Syedara Syamsa

Achirul kalam lon pijoh siat
Djaro kuweut than hantom biasa
Keu hai gampong lon, lon pijoh siat
Mata teungeut that malam kadjula

Lon sambong laen nyang mangat that that
Nyang lon meuhadjat inti tjalitra
Keu hai joh tjut, lon kisah meuhat
Nyang geu amanat le ajah bunda

Ulon ka rajeuk sampo kan sudah
Sinan phon ulee lon tjok tjalitra
Teungoh lon duek duek ngon ma dan ajah
Bak lon geu peugah keu arakata

Geutjok le surat si on dalam tah
Ladju geu peuhah deungon geu batja
Dari mula phon bak asai liah
Bandum geukubah tjatatan kana.

Batjut Lon Peugah Keu Ajah Bunda
Buah karya : Ustadz Syamsuddin Ahmad (Syamsa)

Alhamdulillah Rabbi ya Rabbi
Hana chali lon pudji pudja
Keu ajah bunda batjut lon rawi
Supaya achi neu tuso nama

Nama ajah lon ka muhammadi
Nama geurasi lee ureung tuha
Nenek di ulon Teungku salami
Alias geubri Teungku Di Jeumpa

Lima saudara di pihak abi
Nyang phon geurasi tjut Mirah nama
Teuma keu dua yahwa Hasjimi
Nyang keu lhee uchti Idramismuha

Teuma nyang keu peut ka Muhammadi
Nyan keuh hai achi abi si Syamsa
Teuma keu limong A.R. Salimi
Tamat hai achi ret pihak abi

Djino lon peugah ret pihak ummi
Nama geurasi geukheun Hamida
Geutjhik syech nek lon ret ummi
Di Atjeh Pidie gampong aseuli

Gampong lamlo phon phon geurasi
Kuta Bakti djino geu tuka
Kuta ngon kuta bakti
Saban hai achi di Sigli puntja

Qudrat iradat sifat Ilahi
Hana ta tukri hantroeh ta duga
U Atjeh Barat nek lon geu ngungsi
Seubab di Sigli prang leupah subra

Tareeh keu nenek cukop disini
Syam sambong lagi saudara bunda
Lapan serangkai di pihak ummi
Pada peunyanyi Octavo nama

Ban lapan gobnyan akan lon rawi
Neu deungo achi Syamsa tjalitra
Empat serangkai di satu ummi
Nyang empat lagi laen ibunda

Djino lon seubut landjutan rawi
Nyang satu ummi lon seubut nama
Achul abawain nama geurasi
Bak kitab fiqhi bab fara idla

Sidroe nyang putra lhee droe nyang putri
Ummi Syam sendiri mula pertama
Nyang nomoi dua djuga wai putri
Siti Aisyah nama aseuli

Siti Fatimah djuga nyang putrid
Fatimah ini nyang nomoi tiga
Abdul wahab jang aneuk laki
Hingga di sini jang se ibunda

Eumpat seukandong kalheuh lon rawi
Jang eumpat lagi lon kheun sa dua
Lhei jang putra sidroe jang putrid
Nyang phon hai achi Chadam nan geubri

Teuma keu dua seorang putrid
Nama geurasi nan siti hawa
Keu lhee m.yusuf aneuk lelaki
Achir sekali Ibrahim nama

Ka tjukop ohnoi keu ajah ummi
Ka ilon rawi djeut meupat puntja
Eja tuhanku Chalikul bahri
Neu ampon zambi ureung nyan dumna

Ka lheuh lon peutjeeh keu ajah ummi
Beralih lgi keu soal Syamsa
Disinan keuh phon ulon awali
Neu batja achi djeut meuho haba.

Masa lahee lon
 Buah karya : Ustadz Syamsuddin Ahmad (Syamsa)

Djiku’uk manok di suboh hitam
Siat  oh lheuhnyan kitjauan nuri
Siteungoh limong ka meusu adzan
Bileue ka geu bang shalat subuhi

Adzan mendju merju insane
Ummat islam geu peugo dumna
Bek eh teungeut le lagee nyang pangsan
Beudoh sembahjang pudjoi jang Esa

Ureung islam jang kuat iman
Neudeungo adzan tuboh sang gugha
Urat sang reule tan le lam badan
Sendi ngon tuleung sang luroh dumna

Teu ingat keudroe peuneudjeut Tuhan
Kadang tjit padjan roh geu keulua
Deungon khusju’ that nadjat bak tuhan
Beu roh di gobnyan ureung jang taqwa

Mangat si nitjah oh uro tarek
Djampu boh peuteik ngon asam jawa
Mangat hikajat bunji ta balek
Tiap tiap bab hai dek bunji ta tuka

Atra gob gubah di lon tertarek
Seubab hai adek get retorica
Karangan droe lon hana tertarek
Uram ngon udek meu tuka-tuka

Sensasi hana epik ngon lyric
Sabab lon haidek hantom biasa
Ulon keumarang hana tekheunik
Hana dramatik tempo ngon nada

Oleh sebabnyan hai abang ngon adek
Meuah beurajeuk harapan Syamsa
Meunyoi meutuka atau meu balek
Maklum hai adek guree lon hana.

Tjatatan ajah
Buah karya : Ustadz Syamsuddin Ahmad (Syamsa)

Tanggai tujoh mai malam seunajan
Dalam tjatatan ayah dan bunda
poh padum lahee hana tjatatan
dalam catatan oh watee fadja

Di watee fadja malam seunajan
Di ulon tuan lahee u donya
Thon sikureung blah tiga delapan
Meunan tjatatan jang na lon batja

Lon batja ladju udjong tjatatan
Supaja rakan djeut meuho haba
Ulon ka lahee teukedi tuhan
deungon rawatan setjara biasa

lam bahsa atjeh nan geukheun bidan
djino hai rakan suster bernama
ubat pih hana suster nyan pih tan
hanja ramuan nyang ibuk bidan ba

bidan di ulon Tidjah geuhoi nan
lakoi di gobnyan ibrahim nama
lakoi meu dukon inong meu bidan
dua ureung nyan saban than padra

di mak geumadeung geu laju badan
geu eh di sinan toi apui raja
oh watee haus tho lam reukung
air ramuan geujeib le sigra

watei teuka dek boh bu lam pingan
ngon sira joh nyan geu lawok sigra
gulei ngon ungkot handjeut rab keunan
seubab pantangan  bidan peuhaba

meunjona ta weuh keu tuboh badan
wajeb ta pantang beu that beu hawa
eungkot meuduroi bek to to keunan
seubab ungkotnyan raja that bisa

boh aneuh ie u, udeung pih meunan
laen nibaknjan sie kameing teuma
beuthat sie manok sie leumo sadjan
nyang masam masam bek tameu hawa

teutap keuh di mak sabee lam meunan
jang ka geu larang geu langgar hana
meudjan han ek bu sabab ungkoit tan
teutap geu pantang bek rouh binasa

bek teulah sithon ureung djak meugoi
teulah si uro ureung meu rusa
seubab nyan po ma teutap geu theun dro
neu takot paloi menjesai teuma

Pisang ambon pisang klat barat
Meu laen teumpat meu laen nama
Di kutaradja geukheun pisang berat
Di timu meuhat ambon ge nama

Geukheun di timu pisang klat barat
Di atjeh barat talon geu nama
Keu soal ummi lon pijoh siat
Djino lon sambat keu soal bapa

Uro pih beungoh meihmoh susah that
Nafkah meuhat gobnyan djak mita
Idja ngon bajei breuh bu lom meuhat
Tjukop meularat beulandja hana

Seubab di kamoi gasin cukob that
Kamo miskin that lom hina dina
Dakna syedara saban gasin that
Keu kamo meuhat geu tulong hana

Bek an keu kamo keudroi tan meupat
Ateuh hadlarat tuhan jang esa
Nyang na tenaga ureung njan meuhat
Pue pue ta pakat redjang le sigra

Oh watei malam teungeut tan siat
Seubab teu ingat keu lon ngon poma
Watei seulio mata leubui that
Neu deungo meuhat lon klik meu kuwa

Oh lon moi di lon abi susah that
Geu beudoh ligat gedjak peuriksa
Geu beudoh poma susu djok ligat
Oh lheuhnyan meuhat lon teungeut teuma

Meunjoi saket prut susah leubeih that
Di ajah meuhat neu jak neumita
Djak kalon dukon  ju tulong siat
Neu ju koh kunjet kadang seumapa

Meunan keuh sabei ajah susah that
Tengeut tan siat sampoi lhok mata
Djamok neu paroh pidjeit geu sasat
Bek sampoi djikap baji jang ban na

Lheuh uro hameih teuka jum’at
Sabtu ngon ahad oh lheueh nyan teuma
Meunan keuh sabei ajah susah that
Di ummi meuhat meunan tjit sama

Karu that laot musem meu bakat
Kameing susah that musem keunongsa
Haba keu bapa lon seutop siat
Landjutan meuhat ukeu lom teuma

Meukarat ungkot oh roh lam pukat
Meukarat ureung meung tan rupia
Neu batja ladju teungku neu sasat
Supaja meu pat udjong tjalitra.

Masa lon baji
Buah karya : Ustadz Syamsuddin Ahmad (Syamsa)

Uroe rab mughreb tjuatja mirah
Tabeui that kuah meunjoi tan sira
Neubatja ladju teungku meutuah
Sambongan kisah jang lon tjalitra

Masa lon lahee teungku meutuah
Keunan troh langkah djiran seulingka
Njang ladom ba peng ladom djuadah
Meunan peususah peu peu keuh njang na

Meunan keuh tjara lama kan sudah
Watei ijadah geuba pu njang na
Bak phon meu kawen rakan meutuah
Djiran geulangkah geubri rupia

Oh watei mumei njata ka sudah
Tuan ka susah djak mei bu teuma
Adapt di atjeh meunan keuh ulah
Batjut lon peugah bak rakan dumna

Mangat get muphom batjut lon tamah
Sabab lon peugah meu puta-puta
Njan meukeusud lon teungku meutuah
Padum pat pasai teubit rupia

Tiep-tiep go hadji ureung u mekkah
Geu djak zearah tanoh mulia
Masa ubit lon akai brok leupah
Meunan geu peugah le ibu bapa

Siat-at lon klik oh watei ka grah
Di mak ka susah han teungeut mata
Meung idja lapeik pih han djeut basah
Lon klik oh mirah meung djum lon rasa

Meunan keuh sabei di lon peususah
Seb reuoh reuah ajah ngon bunda
Kon meu lon mantong meunan peususah
Dum manjak mirah lagei njan rupa

Tjit ka meunan keuhendak Allah
Di aneuk mirah djiklik meukuwa
Djikhem ngon angen gaki meu peutah
Si ulah ulah silat dji tjuba

Susu geu suleung watei deuk ngon grah
Meunan keuh ulah padum treb lama
Neu batja ladju teungku meutuah
Pakri peususah oh lheueh njan teuma

Laen lom geubri ladju geutamah
Pisang wak bagah ladju geumita
Pisang wak djampu ngon bu geuramah
Suleung lam babah aneuk tjut ban na

Adat di atjeh teungku meutuah
Meunan peususah di gampong desa
Meunjo di kuta laen peususah
Ruti le bagah ajah djak mita

Meung seu’i batjut doctor hoi bagah
Ju djak le ajah peuriksa neuk nda
Dokter mei ubat djarom dalam tah
Suntik le bagah oh lheuh pareksa

Meung saket tjiret mumang ngon muntah
Geubri le bagah ju ut pil ciba
Tapi nasib lon teungku meutuah
Gambei le bagah di mak geumita

Geu upa gambei geulabo bagah
Dukon geutamah geu radjah mantra
Meung on seruni meunan tjit ulah
Geuboh le bagah bak prut aneuknda

Peut ploh peut uro sampoi ka sudah
Po ma neu minah bak apui raja
Oh kalheuh madeung manoi wiladah
Meunan peurintah bak Allah jua

Neu batja keudro lam kitab fiqqah
Supaya djelaih pakriban tjara
Pakri ban taniet manoi wiladah
Supaja djeut sah oh takeuredja

Ka seunang batjut po ma meutuah
Hana le pajah geu eh lam tika
Kadjeut geu tulong idja geudjak rah
Geu tulong ajah jang mita beulandja

Geuputa meusen subhanallah
Idja njang beukah geu tampai le ma
Teungoh neu duk duk tjop idja beukah
Meu tadjo pantah bak ajon doda

Laila haillalah
Rajeuk bagah bidjeh mata ma
Di eh beuteungeut aneuk meutuah
Mak tulong ajah mita beulandja

Oh rajeuk gata aneuk meutuah
Ta tulong ajah mita beulandja
Beu phet ngon kulet beu mangat asoi
Aneuk lon sidroe di pudjo Allah

Djak ku dodo aneuk e’ sinjak mak dodo
Boh tulo boh tjitjem pala
Beureudjang rayeuk sinjak mak dodo
Mak intat ladju u bak sikula

Peugidong Tanoh
Buah karya : Ustadz Syamsuddin Ahmad (Syamsa)

Laqad dja akom do’a djak lam prang
Oh lheuh semahjang wajeb ta batja
Neu batja ladju wahe tjut abang
Supaja djeut trang djeut meuho puntja

Lon sambong ladju buku keumarang
Supaja tjut bang neu preh bek lama
Peugidong tanoh djino lon peutrang
Neu deungo tjut bang lon tji tjalitra

Peureule langai watei meu’u blang
Peureule eumpang watei pot lada
Peureule polpen watei keumarang
Daweut hai tjut bang beu le seudia

Limong ploh uro umu lon katrang
Kanduri redjang ngon ala kada
Oh lheuh kanduri ulon geutatang
Geudjok le joh njan geu peutron sigra

Geu peutron u leun ulon geu tatang
Di teungku joh njan geubatja do’a
Neutjok bak teube deungon bak pisang
Sigoi neuteubang putoh ban dua

Neutjok u saboh neumat neu tatang
Neutak ngon parang ka beukah dua
Gaki geupudjab bak tanoh redjang
Geukheun watei njan tudjoh dua sa

Oh ka seuleuso teungku neuriwang
Hate ka seunang ajah ngon bunda
Sanak famili pih tjukop girang
Djampang bak djampang djeut geutjok geuba

Oh djilop uro malam ka dating
Meunan keuh tjut bang meutuka-tuka
Abeih buleun mai djuni ka datang
Djuli oh lheuh njan meunjusul teuma

Musem meu pade tulo meukemang
Taduk di rangkang neuring ta djaga
Na padum buleun oh lheuh njan tjut bang
Di ulon tuan kameuri raja

Soi soi keunan djak tjok lon geutimang
Tjit meunan reusam di gampong desa
Di ureung inong galak geutimang
Di ureung agam lam pangkeei geu ba

Habib jusuf boh nama lon tjut bang
Phon geuhoi nan Ibnu Uma
Hana padum terb peunjaket dating
Ureung tuha pham tan rasi nama

Bak tanggai lahe keudeh geu ulang
Geu ganto reudjang Syamsuddin teuma
Njan keuh nan lon sampoi sekarang
Lon tjok pendekan ulon boh Syamsa

Jang garis besar ladju lon karang
Jang ubit reudjang lon tinggai bandja
Haba tek bengeik hana lon peutrang
Seubab hai tjut bang keureutah hana

Oh lheuh djeut balek, djeut duk le ridjang
Teuma oh lheuh njan djeut djak lom teuma
Kadjeut lon marit meu tilo alang
Hate that seunang ajah dan bunda

Keluarga lon hate pih seunang
Kajem djak keunan kuweh geudjak ba
Gobnjan meututo pih tilo alang
Galak di gobnjan geu tiru Syamsa

Umu dua thon dilon ka dating
Neulhah le ridjang ulon di po ma
Uro phon neulhah leupah meuradang
Seubab lageinjan hantom biasa

Na padumuro meunan meuradang
Di lon oh lheuhnjan ka lalee teuma
Geu bri ie saka kuweh ngon pisang
Gadoh meuradang lon klik hantom na

Lon sangka seum sampoi an peutang
Rupadjih udjeun di teungoh uro
Umu lon lhee thon djino ka datang
Sang-sang ka malang nasib di kamo

Neu batja keudroe wahei tjut abang
Supaja beutrang pu jang terdjadi
Sikureung blah peut sa tjit ka mendjeulang
Nasib njang malang bungong ka meuri

Lon pijoh siat djaro lon tjeukang
Lon djak seumahjang siat beureunti
Lon sambong teuma oh lheuh seumahjang
Lon harap tjut bang sabar meunanti.

Adek lon lahe
Buah karya : Ustadz Syamsuddin Ahmad (Syamsa)

Teungoh tjot uro udara teunang
Dji ek geulajang lam awan mega
Umu lon lhee thon sabe lam seunang
Teukeudi tuhan lahe adinda

Seunang that tulo watei musem blang
Peureuling seunang watei musem ngom
Adek lon lahe bunda that seunang
Teukeudi tuhan aneuk wanita

Tanggai dua blah buleun sembilan
Adek lon tuan lahe u donja
Thon peut ploh sa dalam tjatatan
Njang na geu simpan le ajah bunda

Lon sambong ladju nasib lon tuan
Nasib lon malang bung,ong ka njata
Umu adek lon na dua buleun
Teukeudi tuhan ka meunderita

Siti djariah adek lon tuan
Teungku jang boh nan geurasi nama
Ulon ngon adek ka nasib badan
Teukeudi Allah katroh bak Qada

Ajah ngon bunda ka meutjre joh njan
Di kamoe joh njan geutjok le bapa
Ulon ngon adek geutarek joh njan
Handjeut le sinan tinggai ngon bunda

Kamo ubit that nibak masa njan
Meu klik oh pangsaningat keu bunda
Leubeh-leubeh lom adek lon tuan
Dji klik watei njan susu djimita

Di poma geumat bak gaki adek
Di njak wa tarek bak bahoe geu wa
Di mak geu peueh perlahan-lahan
Seureuta sadjan deungon ie mata

Teuma di ulon sedih masa njan
Lon tjom li joh njan bak djaroe bunda
Di mak neu sampoh ulei lon tuan
Seureuta sadjan deungon suara

Aneuk meutuah boh hate intan
Ka keundak tuhan katroh bak masa
Gata ka geutjok bak ulon tuan
E…aneuk badan beugot tadjaga

Beugot peurangeui e..aneuk badan
Bek dji seurapa oleh saudara
Allah Allah aneuk meutuah
Beugot tapapah adek di gata


Seulamat Uroe Raya

Admin Blog Atjeh Pusaka mengucapkan Seulamat Uroe Raya Idul Fitri 1 Syawal 1441 H... Neu peu meu'ah lahee ngon batein...