Minggu, 26 April 2015

Troeh Bak Watee

Allah... allah... allahu rabbi, bek dilee Neu bri kiamat donya///
Lee that but salah ka deungon keuji, sayang lon rabbi asoe neuraka///

Ni’mat di donya tan sapue dali, sang sang ka neubri bala troeh teuka///
Hudeep lon jino ban anoe pasie,  bakat peunari dalam ie raya///
Bukon lee sayang si padee pajouh, teusut seuneubok hujeun baroesa///
Ka dji weih bala dji teuka kutok, geutanyoe dawoek dalam seungsara///

Allah... allah... allahu rabbi, bek dilee neubri kiamat donya///
Lee that but salah ka deungon keuji, sayang lon rabbi asoe neuraka///

Ie mata di lei dji toh meu karang,teurasa leukang di dalam badan///
Ni’mat Nanggroe lon  han tom lon pandang, bek neucok pulang yoh goh lon rasa///
Ooo yaaa Tuhan ku yang Maha adee,  sayang bukon lee untong hamba nyoe///
Hudeep lam donya meurana sabee,  sampoe an matee nyawong meu rawee///

Nyawong geutanyoe didalam badan, barang pinjaman siat Tuhan bri///
Oh troeh bak waktee ka geu cok pulang, nyawong lam badan Tuhan peucre bre///
Dji toh ujeun uroe jumeu’at, alamat kilat hujeun keunong sa///
Janji ngon tuhan bek tuwo ingat, saket ngon mangat tuboh nyang rasa///

Allah... allah... allahu rabbi, bek dilee neubri kiamat donya///
Lee that but salah ka deungon keuji, sayang lon rabbi asoe neuraka///
(by: Nyawong)

Tidak ada komentar:

Posting Komentar

Ulon tuan preh kritik ngoen nasihat jih. Maklum ulon tuan teungoh meuruno.

Seulamat Uroe Raya

Admin Blog Atjeh Pusaka mengucapkan Seulamat Uroe Raya Idul Fitri 1 Syawal 1441 H... Neu peu meu'ah lahee ngon batein...